صفاء لويس في “سيتي سكيب 2026”: هل يستطيع كبار المطورين مواجهة دخول شركات جديدة السوق العقارية؟

وجهت الإعلامية صفاء لويس، رئيس تحرير موقع وجريدة العقارية، تساؤلات خلال مشاركتها في مؤتمر سيتي سكيب مصر 2026، إلى حازم بدران، الرئيس التنفيذي المشارك والعضو المنتدب لشركة “بالم هيلز”، والمهندس نبيل عماشة، الرئيس التنفيذي لشركة “بيبول أند بليسيز” للتطوير العقاري.

وقالت صفاء لويس إن الشركات العقارية كلها تتنافس على شريحة واحدة تمثل 1%، مشيرة إلى التوسعات التي يقوم بها كبار المطورين العقاريين، قائلة: “بلاقي كل شركة بتتوسع بزيادة، هل إحنا حاسبينها صح؟ هل إحنا هنقدر على كبرى الشركات اللي جاية تتاخم السوق معانا؟”.

وأضافت صفاء لويس أن هناك شركات أجنبية موجودة بالفعل في السوق، إلى جانب شركات أخرى قادمة من الإمارات والسعودية والكويت، معربة عن قلقها من قدرة الشركات الكبيرة على الاستمرار في ظل هذه المنافسة، ومتسائلة عن أسس النجاح التي يمكن أن تعتمد عليها الشركات في ظل تنظيم السوق العقاري، وما إذا كان السوق العقاري منظمًا بالفعل.

وتابعت: “اللي جايين عندهم مشكلة عشان في زحمة في السوق، بس برضه اللي جايين مش هنتهون عليهم، يعني ليهم ثقة خالهم، يعني في ثقة تخليهم”.

ورد حازم بدران قائلًا: “لا حضرتك، قلقنا من الزحمة على المطورين اللي موجودين، مش اللي جايين، لا، يعني أنا رأيي اللي جايين هم اللي عندهم مشكلة”.

وتابع حازم بدران: “وكفاية بقى، كفاية المطورين الموجودين دول، خلاص مش عايزين جديد”.

وأشار حازم بدران إلى حجم السوق قائلًا: “في 19 ألف مطور دلوقتي يا صفا، نبيل”.

ومن جانبه، قال المهندس نبيل عماشة إن السؤال المطروح يجب توجيهه إلى الجهة المنظمة للسوق وليس إلى المطور، موضحًا: “السؤال ده يتسأل للريجليتور، مش للمطور. الريجليتور هو اللي بيتحكم في الرخص اللي بيديها والأراضي، فده يتسأل للحكومة وليس للمطورين نفسهم”.

وأضاف أن السوق سوق مفتوح وفري، قائلًا: “إحنا بنشتغل في فري ماركت، فهو الريجليتور هو اللي بيدي الرخصة دي، فهل هو الريجليتور شايف إن إحنا، إنه أدى رخص كفاية ولا لأ؟”.

وتابع نبيل عماشة: |وأرجع برضه لإحنا هل إحنا عندنا داتا بتقرا بالضبط إيه الديماند، وفي أنهي مناطق وأنهي منتجات، ولأي عملاء أو لأي تارجت أوديينس؟ إحنا محتاجين نفتح أسواق ولا لأ؟”.

واختتم قائلًا: “قاعدة البيانات دي أعتقد هي الحكومة هي اللي عندها، هي الوحيدة اللي تقدر تجاوب على السؤال ده”.