كشفت الفنانة حلا شيحة، عن السر في تخطي التعب النفسي لدى الكثيرين خلال الساعات القليلة الماضية، مشيرة إلى أهمية قيام الليل، حيث يساعد في تغزية التواصل الروحي مع الله.
وأضافت حلا شيحة، في مقطع فيديو عبر حسابها الرسمي بموقع تداول الصور والفيديوهات «إنستجرام»، قائلة: «مفيش أحسن من صلاة قيام الليل، أنا قعدت فترة كبيرة بصلي قيام الليل، ولاحظت نشاط في يومي وبركة وكل حاجة كان نفسي فيها، بحس فيها بركة واللي تعبان نفسيًا أو جسمانيًا ولو حد عنده أي مشكلة يقوم بالليل يصلي قبل ما ينام ركعتين».
وفي وقت سابق، خرجت حلا شيحة، عبر حسابها الرسمي بموقع الفيديوهات «يوتيوب» لتكشف عن سبب عودتها للحجاب، قائلة: « أكتر حاجة بحبها، حب ربنا والتدبر والتفكير في آياته، ليه منعملش أول فيديو نتكلم فيه عن القرآن الكريم».
وتابعت: «سر ارتباطي بالقرآن وإيه الحاجات اللي خلتني أحب القرآن الكريم، ولما بعدت عن ربنا قدرت أرجع تاني لأن الآيات جوايا، ومفيش حد بيحس بآيات ربنا من جوه وبيبعد، وحتى لو بعد بيبقى عايز يرجع تاني».
وأردفت: «أنا هتكلم عن رحلتي مع القرآن مش من منطق الداعية أو المفسرة من منطلق التجربة، بعض الآيات أثرت فيا، وربنا هو اللي جميل وهو اللي بيهدينا، إحنا بنطلب الهدايا دايمًا من ربنا ولازم نُحسن الظن في الله».