كشف عمرو زكي نجم الكرة المصرية السابق، عن سر فشل انتقاله إلى الاهلي عندما كان لاعبا في صفوف لوكوموتيف موسكو الروسي.
وقال زكي في تصريحات مع سهام صالح لبرنامج الكلاسيكو على قناة اون: كنت بلعب في لوكوموتيف موسكو، وكنت عايز أمشي من النادي بسبب صعوبة الظروف هناك، وكمان عشان مكنتش بعرف أتعامل أو أتواصل مع حد بسهولة.
واضاف: في الفترة دي كان في رغبة إني أروح الأهلي في صفقة تبادلية يدخل فيها محمد عبد الله ومحمد أبو تريكة من غير أي مقابل مادي، لكن الأهلي وقتها رفض إتمام الصفقة.
وتابع: وبرغم كده أنا رفضت قرار النادي بالانتقال للأهلي، وقلت لهم بشكل واضح إني مش هلعب في مصر غير لنادي الزمالك، وده رغم إن الزمالك ساعتها مكانش طالبني ولا فاتح أي مفاوضات مع النادي.
عمرو زكي: ممدوح عباس رفض عرض من استون فيلا للتعاقد معي
اكد عمرو زكي نجم الكرة المصرية السابق، ان ممدوح عباس رئيس نادي الزمالك السابق رفض عرض بربع مليار من استون فيلا الإنجليزي مقابل انتقالي للفريق
وقال: الزمالك وقت ممدوح عباس رفض عرض بربع مليار من استون فيلا وقت ماكنت هداف في الدوري الانجليزي وضيع رقم كبير عليه
واضاف: المشكله في عدم الاستقرار لما تتوفر الاستقرار في النادي وتجيب لاعيبه عمل ايه حد دوري، ازاي هنجح وانا عندي مشاكل ماديه.. وكل حاجات النادي في الشارع ودي مشكله موجوده
وتابع: الزمالك اكبر نادي في افريقيا مع الأهلي لازم نبص عليه مش في مصلحة المنتخب أن الزمالك يكون وحش
وواصل: الأهلي كان بيفاوضني من وانا ف المنصورة وانا رفضت الزمالك لو مش عاوزني والاهلي عاوزني هروح ياما لاعيبة الأهلي زملكاوية وياما لاعيبة الزمالك أهلاوية