تصدر فيلم «ريستارت» مؤشرات البحث عبر تريند «جوجل» ومنصات التواصل الاجتماعي خلال الساعات القليلة الماضية، وذلك بالتزامن مع توجيه الناقد الفني طارق الشناوي انتقادا لاذعا لأداء صناع العمل.
وفي هذا السياق، ردت المخرجة سارة وفيق، مخرجة فيلم «ريستارت» عبر حسابها الرسمي بموقع التواصل الاجتماعي «فيسبوك» على انتقادات طارق الشناوي، قائلة: «أستاذ طارق الشناوي في فرق كبير بين الإهانه وبين النقد حضرتك بتقول، إن مفيش موضوع في الفيلم ودي حاجه ضحكتني جدا لأن احنا بنتكلم عن موضوع الساعة، وموضوع العصر أكبر موضوع بيهمنا ويخصنا حاليا».
وأضافت سارة وفيق: «كلامك فكرني بمشهد في الفيلم للفنان محمد ثروت، وهوه بيقول أنا أعمل أي حاجة عشان أبقى تريند، (احنا خدامين التريند) وسمع كلام الچوكر (الفنان باسم سمرة) اللي بيشتغل لأغراض ناس، مبروك يا أستاذ طارق عرفت تبقي تريند من غير ما تنقد الفيلم.. تخبط في القائمين على العمل بعيد عن العمل نفسه ولا اتكلمت عن إيجابياته ولا سلبياته».
وتابعت: «لا ههاجم أشخاص وبكده هطلع تريند بسرعة، ده موضوع الفيلم اللي أنت مفهمتوش أصلا ولا هو جالك ع الجرح، وعلى فكرة أنا كمان بعرف أعمل تريند و هنطلع تريند أنا وإنت، بس أنا على حق وهمنشنك عشان تظهر بسرعة».
وواصلت مخرجة فيلم ريستارت: «أنت بتقول أن أغنية المقص عجبتك بس هي مش داخل الفيلم، لا يا أستاذ طارق الأغنية في الفيلم بس شكل اللي بيمليك اتلخبط، ادخل شوف الفيلم اللي أنت مشوفتوش واحكم عليه بنفسك وبلاش الأفكار السطحية اللي بتقولها علي كل الأفلام لأنك لو شوفت ريستارت فعلاً كنت هتعرف أن قصته أهم ما فيه».